Дарбаза жасаган компаниянын бизнес-процесстерин жакшыртуу

Дарбаза жана терезе чыгарган компания бизге сатууну автоматташтыруу жана заказдарды иштеп чыгуудагы көйгөйлөрү менен кайрылган. Биздин компаниянын консультанттары автоматташтырууну ишке ашыруучулар менен кызматташтыкта компаниянын кардарларынын пикирлерин жана бизнес-процесстерди анализ кылып чыгышты. Консультанттар айрым “кууш жерлерди” аныктап, бизнес-процесстерди бир эле убакта кардарларга ыңгайлуу жана натыйжалуу кылып жакшыртышты. Жаңыртылган процесс CRM базасында кардарлар менен алаканы автоматташтырууга негиз болуп берди. Компаниянын кызматкерлерине программа менен иштөө боюнча окуу өткөрүлдү. Бул сыяктуу долбоорлорду ишке ашырууда кызматкерлердин санариптик көндүмдөрү канчалык денгээлде өнүккөнүн эске алуу керек жана алардын өзгөрүүлөргө карата каршылыгын төмөндөтүү үчүн иш чараларды көрүү зарыл.